منتديات عراق للأبد

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حبيبي ياعراق بأهلك انته باقي


5 مشترك

    أجمل ابوذية ( السلسلة الثانية )

    Night Prince
    Night Prince
    مشرف اداري
    مشرف اداري


    عدد الرسائل : 10
    تاريخ التسجيل : 17/07/2008

    أجمل ابوذية ( السلسلة الثانية ) Empty أجمل ابوذية ( السلسلة الثانية )

    مُساهمة من طرف Night Prince 18/07/08, 05:31 pm


    • الحجي مطروح يبن الناس خله
    عله الماشه الشماته وعاف خله
    بعشرتي وياه ما بينت خله
    الخلل منه ويكول الخلل بيه

    • يامن فاركت شملي وشملاك
    اسمعن والحجي ايخصك وشملاك
    اذا غيري وصل خدك وشملاك
    حرام ايبوس خد الجان اليه

    • يالجنت مثل الكمر تضوي وتشع بسماي
    ومن تريد تحجي الصدك متحلف الا بسماي
    دمعي الجرى من ناظري بس ماي
    شجاك وشغيرك يا قاسي عليه

    • الك صار الكلب سلوة ويظل لك
    ويله اليبعدك عني ويظلك
    اغار عليك تمشي ويظلك
    واغار عليك من روحي عليه

    • حلو طبعك حبيبي من تعادي
    احكمت قلبي قساوة وانتة عادي
    تمنيتك حبيبي من تعادي
    تعادي الناس اليوزونك علية

    • يعلمني الزمان دروس وانسه
    وعلى حالي بچت رضعان وانسه
    انة الچنت للطيبين ونسه
    صرت مكروه دنيا وآخريه


    • عقد ياقوت ذرعانك وفضه
    على المخلوق طش حسنك وفضه
    حسابي وياك اريد اكعد وافضه
    واحجي الي علي والمو عليه

    • وحك ارموشك الحلوة وعينك
    انه بلشده اوكفلك عينك
    لون بيدي نصبتك وعينك
    ملك تحكم على كل البريه

    • ادك باب الي ضدك واشتمنه
    واشيل اتراب جدمك واشتمنه
    اطلب امر يغالي ششتمنه
    حاضر لوتطلب روحي هديه

    • احبك اكثر من الكون وانسى
    وعندي الموت لو يرضيك ونسى
    مافارك ابد ذكراك وانسى
    واقدم روحي لعيونك هديه

    • خليك يالاسمر بعيد وحدك
    خليك لا لا تقترب حدك
    بعد ماجيك واقترب حدك
    يلي منك ماشفت بس اذيه
    • روى الزيتون من دمعي ولا راك
    لغيرك ما نحل جسمي ولا راك
    اخاف طول غيبتكم ولا راك
    وكبل وصلك تبادرني المنيه

    • انا الصياد صادتني شبكتك
    دخيل الله شكثر حلوه شبكتك
    ادك عليك مشغوله شبكتك
    اضن مغلق جهازك بس عليه

    • جفت وعيوني ما ضنهه تراكم
    بأسى وعتاب لبصدري تراكم
    الحزن من شالوا احبابي تراكم
    بسبب جتاله فركتهم عليه

    • اريد ارحل عن بلادي ولاعود
    جگارة مابقت عندي ولاعود
    ولا اتذكر ناي بلادي ولا عود
    من كثر المصايب اللي نزلت عليه

    • يدنيه انتي بعذابي ليش تسعين
    بعزم الله شمعندج ضيج تسعين
    ربعي بيوم ظرفي دبس تسعين
    يوم النشف ما منهم بجية

    • دواي الشح علي واخوي الصيدلية
    نظرلي بعين حاقد صد لية
    طرت كال العدوي صيدلية
    تعذر بس اخوي الحطها بية

    • انة اول احبك وآخر آني
    وسبب العطلني اجيلك وأخراني
    الگلب من ردت اشبگك وخراني
    ركض مني يشبكك كبل ادية

    • خلص گلبي من الهجران والصد
    او ونيني يفلش الجدران والصد
    كل الناس تهوه الگنص والصيد
    لكن بالشبچ تختلف هيه

    • حمامة الفرت من ايدي ولاجت
    وعليها الروح تتعـذب ولاجت
    من امس لليوم لاحطت ولاجت
    ولا الها جدم بــرض الوطيه

    • مشيت وشوككم عتني وردني
    مسحت الدمع بجفوفي وردني
    اذا مكتوب من عدكم وردني
    مثل ميت ترد الروح بية

    • اعطش گلبي اعله شوفك ماتورده
    وحته اخبار منك ماتورده
    اذا غصني بربيعك ماتورده
    بخريفك شنتظر غير المنيه

    • نخيت الله بحسن عطفه يشملاك
    وعطر من طيب جناته يشملاك
    عسى لا بالحشر ربي يشملاك
    وتصير الجنه دارك دوم هيه

    • يبنية حسي بحبي وشعري
    وگلبي شيب بهجرچ وشعري
    لغيرچ ما يصح نثري وشعري
    ولو كل الشعر ما يوفي اللي بيه

    • ضوينة بسنة المهاجر سفرنة
    لباب البحر كلطنه سفرنه
    اذرة ودخن ما جرن سفرنه
    سيل ضيوفنة بسنة الردية

    • تمر وعلي ساترهه بختهه
    حچت ونار البگلبي بختهه
    بخت من كال بدلهه بختهه
    شلون الذهب والفضة سوية

    • انا الواضح والمبين ولاخاف
    وانا لمارجفن جدامي ولاخاف
    وانا المانكص وزني ولاخف
    اختفيت وخفت خف وزن العليه

    • حميتك دافعت عن ورحماك
    الطعن اهون ولالوذن ورحماك
    كلت اوليك ماعوفك ورحماك
    وليت وطيبيتي عمت عليه
    كاردينا
    كاردينا
    عضو مشترك
    عضو مشترك


    عدد الرسائل : 30
    تاريخ التسجيل : 23/07/2008

    أجمل ابوذية ( السلسلة الثانية ) Empty رد: أجمل ابوذية ( السلسلة الثانية )

    مُساهمة من طرف كاردينا 23/07/08, 08:07 am

    مشكووور على الابوذيات الحلووووة ياراقي عاشت الايادي

    Embarassed Embarassed Embarassed Embarassed Embarassed
    Mr.MG
    Mr.MG
    مشرف اداري
    مشرف اداري


    ذكر
    عدد الرسائل : 102
    العمر : 36
    تاريخ التسجيل : 16/07/2008

    أجمل ابوذية ( السلسلة الثانية ) Empty رد: أجمل ابوذية ( السلسلة الثانية )

    مُساهمة من طرف Mr.MG 23/07/08, 08:02 pm

    تسلم ياذهب santa
    avatar
    لولو بغداد
    مشرف
    مشرف


    عدد الرسائل : 40
    تاريخ التسجيل : 17/07/2008

    أجمل ابوذية ( السلسلة الثانية ) Empty رد: أجمل ابوذية ( السلسلة الثانية )

    مُساهمة من طرف لولو بغداد 24/07/08, 11:35 am

    مشكوووووووور
    الوكح
    الوكح
    مشرف
    مشرف


    عدد الرسائل : 27
    تاريخ التسجيل : 23/07/2008

    أجمل ابوذية ( السلسلة الثانية ) Empty رد: أجمل ابوذية ( السلسلة الثانية )

    مُساهمة من طرف الوكح 30/07/08, 07:48 am

    عاشو والله عاشو
    مشكوورين حيل على الابوذيات الروعه

      مواضيع مماثلة

      -

      الوقت/التاريخ الآن هو 28/03/24, 11:10 pm