هاي شباب و هلو صبايا
اليوم جايبلكم ابوذيات اتخبل وانشاء الله يومية اكتبلكم ابوذيات
وياريت من الي عنده ابوذيه حلوه يكتبهه
حبيبي شلون عنده خدود وعيون
وجرى دمعي عليه أنهار وعيون
هلك خلو علي حراس وعيون
وخلي شما يصير أيصير بيه ...
• يربي لـو نخـاك العبـد عينـه
سوده ومـا تحب الكحل عينـه
رفع طرف العبايه وشفت عينـه
شفت هلال ونجـوم وثريـه...
• حلو اسمك وابوك اشلون .. سماك
وحبيبك لو زعل وياك .. سماك
اصيرن سمج وانت اليوم .. سماج
امن اطيح ابشبكتك تعطف عليه
• اريد أمشي بأراضي الشوگ وسعه
على ام خصر النحيف وعيون وسعه
يحفار الگـبر بلله عليك وسعه
بلكي أتصير موتـتنه سويـه ...
• حبيبي شــلون عنده عيون وحجاب
رمتني ومايفيدني الحـــرز وحجاب
الگمر من شاف خدچ غاب وحجب
أستحه من نور خدچ يشع ضيه ...
• اريد اخبط زميج الرمل .. والحر
وادور عل صديج الوفي .. والحر
نخيت اهل البيت و الحسنين .. والحر
يحفظ كل اخو يذكر خويـــه
• انا الما جفيتك ليش .. تجفيت
وعلى گلبي المصايب عدل .. تجفيت
هم يصح الهذا الگلب .. تجفيت
اريد اسأل ابهاي الفيتريــــــه
• تهزهز يا گبر وانفض .. ترابيك
عزيز الروح هل نايم .. ترابيك
اجاني العيد وعيوني .. ترابيك
گوم ولا تشمت اعداي بيـــــه
• بنيت ابيوت بالشعله .. وسومر
ووجهي من التعب مولح .. وسومر
الناس اتدخن اگريفن .. وسومر
ونه التتنات ما طاحن بديــــه
• حبيبي مانشد عني ولا سال
ودمعي ماجرة لغيرك ولاسال
ابية مرض معدي ولا سل
بيك المرض يبو ذات الردية
• عشكت بنص بحر نسوان وحده
ومن عرفهه الكلب ذاب وحده
انا ليلي من وراها انكضا وحده
وبس هي الترد الروح ليه
• جفاني الجان لكليبي يسارة
وصرت ما اعرف يمينه من يسارة
ابد ما جوز من عندج يسارة
عيونج سحر بيهن جاذبيه
• اظل الهج واصيح النوب بسمه
وانا جالطير واكف فوك بسمه
حلوة وتنحب وبنت القسم بسمه
يحفظج الله من عين البريه
• حبك بالكلب موجود منشال
سلب متي العكل واني اصبحت منشال
اخذ ثلث العمر وياه منشال
واخذ الثلثين يوم الرد عليه
• بعد ماذكرك بحالي وشعرك
سواد الليل ويه نجوم شعرك
اريد اكعد واريد اسمع واشعرك
واريد هسه تجاوبني بأبوذيه
• يحفضني زماني دروس .. ونسه
وعلى حالي بجت رضعان .. ونسه
آنه الي جنت للخوان .. ونسه
صرت مذموم محد يرضه بيه
• حبيبي العمر يركض ما يتاني
وانه العطشان منك ماي اتاني
تعال اليوم باچر ميت اني
ولو بأخر نفس تلحگ عليه
• ما ظن حبك يصل بالگلب بسلاك
ونه حاضر اموت الروح بس لاك
وان چان تلعب على الحبلين بسلاك
الي يحب بصدگ ميهاب المنيه
• حچيت ومحد من اهلي يردني
شمالك ما تغطي ايدي يردني
اجيك وبس قدر ربك يردني
ونموت عله العشگ احنه سويه
• اليفارگ بحبنه واشي ريته
وعرفت هذا حبيبي واشريته
منك الاخذته والشريته
صلاحيته انتهت تضحك عليه
• عمري نصه ضيعته ونصبه
وجيب الحلو كدامي ونصبه
انه الماصرت ضحكه ونصبه
نصب وكتي وضحك غصبن عليه
• احب كل يوم اشوفك و اشتمنك
واذا تبعد اسبك و اشتمنك
اسألني شراد گلبي و اشتمنك
بوسط عيني فلا تبعد عليه
• حبيبي ما طال الهجر مني ولادم
عكبك لاكلب عندي ولادم
قبل ما تنخلق حوه ولادم
احبك يالغرامك روح اليه
اليوم جايبلكم ابوذيات اتخبل وانشاء الله يومية اكتبلكم ابوذيات
وياريت من الي عنده ابوذيه حلوه يكتبهه
حبيبي شلون عنده خدود وعيون
وجرى دمعي عليه أنهار وعيون
هلك خلو علي حراس وعيون
وخلي شما يصير أيصير بيه ...
• يربي لـو نخـاك العبـد عينـه
سوده ومـا تحب الكحل عينـه
رفع طرف العبايه وشفت عينـه
شفت هلال ونجـوم وثريـه...
• حلو اسمك وابوك اشلون .. سماك
وحبيبك لو زعل وياك .. سماك
اصيرن سمج وانت اليوم .. سماج
امن اطيح ابشبكتك تعطف عليه
• اريد أمشي بأراضي الشوگ وسعه
على ام خصر النحيف وعيون وسعه
يحفار الگـبر بلله عليك وسعه
بلكي أتصير موتـتنه سويـه ...
• حبيبي شــلون عنده عيون وحجاب
رمتني ومايفيدني الحـــرز وحجاب
الگمر من شاف خدچ غاب وحجب
أستحه من نور خدچ يشع ضيه ...
• اريد اخبط زميج الرمل .. والحر
وادور عل صديج الوفي .. والحر
نخيت اهل البيت و الحسنين .. والحر
يحفظ كل اخو يذكر خويـــه
• انا الما جفيتك ليش .. تجفيت
وعلى گلبي المصايب عدل .. تجفيت
هم يصح الهذا الگلب .. تجفيت
اريد اسأل ابهاي الفيتريــــــه
• تهزهز يا گبر وانفض .. ترابيك
عزيز الروح هل نايم .. ترابيك
اجاني العيد وعيوني .. ترابيك
گوم ولا تشمت اعداي بيـــــه
• بنيت ابيوت بالشعله .. وسومر
ووجهي من التعب مولح .. وسومر
الناس اتدخن اگريفن .. وسومر
ونه التتنات ما طاحن بديــــه
• حبيبي مانشد عني ولا سال
ودمعي ماجرة لغيرك ولاسال
ابية مرض معدي ولا سل
بيك المرض يبو ذات الردية
• عشكت بنص بحر نسوان وحده
ومن عرفهه الكلب ذاب وحده
انا ليلي من وراها انكضا وحده
وبس هي الترد الروح ليه
• جفاني الجان لكليبي يسارة
وصرت ما اعرف يمينه من يسارة
ابد ما جوز من عندج يسارة
عيونج سحر بيهن جاذبيه
• اظل الهج واصيح النوب بسمه
وانا جالطير واكف فوك بسمه
حلوة وتنحب وبنت القسم بسمه
يحفظج الله من عين البريه
• حبك بالكلب موجود منشال
سلب متي العكل واني اصبحت منشال
اخذ ثلث العمر وياه منشال
واخذ الثلثين يوم الرد عليه
• بعد ماذكرك بحالي وشعرك
سواد الليل ويه نجوم شعرك
اريد اكعد واريد اسمع واشعرك
واريد هسه تجاوبني بأبوذيه
• يحفضني زماني دروس .. ونسه
وعلى حالي بجت رضعان .. ونسه
آنه الي جنت للخوان .. ونسه
صرت مذموم محد يرضه بيه
• حبيبي العمر يركض ما يتاني
وانه العطشان منك ماي اتاني
تعال اليوم باچر ميت اني
ولو بأخر نفس تلحگ عليه
• ما ظن حبك يصل بالگلب بسلاك
ونه حاضر اموت الروح بس لاك
وان چان تلعب على الحبلين بسلاك
الي يحب بصدگ ميهاب المنيه
• حچيت ومحد من اهلي يردني
شمالك ما تغطي ايدي يردني
اجيك وبس قدر ربك يردني
ونموت عله العشگ احنه سويه
• اليفارگ بحبنه واشي ريته
وعرفت هذا حبيبي واشريته
منك الاخذته والشريته
صلاحيته انتهت تضحك عليه
• عمري نصه ضيعته ونصبه
وجيب الحلو كدامي ونصبه
انه الماصرت ضحكه ونصبه
نصب وكتي وضحك غصبن عليه
• احب كل يوم اشوفك و اشتمنك
واذا تبعد اسبك و اشتمنك
اسألني شراد گلبي و اشتمنك
بوسط عيني فلا تبعد عليه
• حبيبي ما طال الهجر مني ولادم
عكبك لاكلب عندي ولادم
قبل ما تنخلق حوه ولادم
احبك يالغرامك روح اليه
05/12/09, 07:23 pm من طرف زائر
» سؤال
04/07/09, 06:00 pm من طرف ميمو المهندس
» ميمو وصل
30/06/09, 03:51 pm من طرف ميمو المهندس
» مراحل حياه العراقي حسب العمر ...... دخلوووو بسرعه
02/11/08, 01:32 pm من طرف نور 2000
» حزوووووره بليره
02/11/08, 01:25 pm من طرف نور 2000
» أقوال عن المرأة والحب
02/11/08, 05:43 am من طرف المرأة
» غبي واشترك بمسابقة
31/10/08, 03:29 pm من طرف Mr.MG
» أرقى مايتعلم الانسان
31/10/08, 03:27 pm من طرف Mr.MG
» مجموعة من مسجات الموبايل كلش حلوة
29/10/08, 07:55 pm من طرف دانيلا
» لماذا تحتاج الى تغيير أو شحن البطارية يوميا إن كنت تستخدم كمبيوتر نقال ؟
14/10/08, 10:47 pm من طرف Mr.MG
» استهلاك الكومبيوتر للكهرباء
14/10/08, 10:44 pm من طرف Mr.MG
» لماذا تدور عقارب الساعه بالاتجاه المعروف
11/10/08, 02:48 pm من طرف سامي
» كرسي الاعتراف
08/10/08, 09:55 pm من طرف نور 2000
» القلق والكهرباء
04/09/08, 04:47 pm من طرف المهندس
» أسرار وخفايا ويندوز اكس بي
23/08/08, 05:52 pm من طرف Mr.MG
» استطلاع للراي -مهم-
21/08/08, 08:47 pm من طرف waleedsabr
» شهريار الان في المنتدى أنا حاضر
11/08/08, 10:17 pm من طرف waleedsabr
» لقاء مع لاعب المنتخب علي حسين رحيمة
05/08/08, 07:34 am من طرف سفاح القلوب
» كلمات لها معنى
04/08/08, 06:15 pm من طرف Mr.MG
» شوفوا هذا الكاريكاتير الجديد
04/08/08, 12:19 pm من طرف سفاح القلوب